維修行李箱

去旅行, 總要有個行李箱, 而去得旅行多, 行李箱既要寄艙, 又要係凹凸不平的地面拖行, 損壞在所難免......

用壞了行李箱, 有人會乘機換過個新, 事關行李箱不易整, 想搵地方整又唔知去邊度? 買個新, 可能要花幾百或千幾, 而搵人整又可能要幾百, 所以換過新的行李箱似乎都幾好!

而剛好老婆個行李箱個轆又壞了, 我地又唔想咁浪費, 因為佢個行李箱都算有牌子: "Elle, 所以只好搵下邊度有得整, 終於我地上網搵到原廠的保養公司同聯絡電話, 所以就算麻煩d, 都試試!

未整的行李箱:


約好時間, 帶行李箱上去, 再放低俾間公司整, 幾日後, 4個轆都換好：
  
換咗新轆, 靚晒!

睇嚟都幾ok, 換1個轆$50, 4個一共$200, 加埋交通費, 都算平過換個新的......
只是間公司地址位於工業區, 上落不太方便, 但攞去整就環保d, 無咁浪費!

詳細聯絡資料:
創通有限公司 (Elle行李箱的香港代理商)
地址: 荃灣德士古道220-248號, 荃灣工業中心2007室
電話: 2408 8785